PawsHub HK
【狗主必讀】狗狗外耳炎懶人包
🐾
免費懶人包
我隻狗因為我用棉花棒幫佢清潔耳朵
我隻狗因為我用棉花棒幫佢清潔耳朵
而患上外耳炎。
養狗二十幾年、踩過坑之後，我整理咗呢份懶人包——希望你/妳唔需要親身經歷先知道。
🐕
Ivan · @pawshub.hk
大家好，我係 Ivan。我養狗養左二十幾年，前前後後養過 9 隻狗。雖然我修讀過獸醫醫學科學，但我唔係獸醫。 我係一個會花時間研究獸醫文獻、然後用人話解釋俾你聽嘅主人。
呢份懶人包係我整理咗多份研究之後，加上自己嘅親身經歷寫出嚟嘅。 如果有任何問題，歡迎去 IG @pawshub.hk 搵我——我每條留言同 DM 都會親自回覆。養狗嘅問題，就等我哋一齊研究啦。
🔍 關鍵症狀清單：主人最值得留意什麼？
外耳炎常見嘅可見變化，主人平時可以留意以下幾點。我當時見到耳垢多咗，以為係正常，其實已經係早期信號。
⚠️ 初期 / 外耳症狀
✅耳殼脫毛、抓損、結痂
✅耳殼或耳道出現紅斑、色素沉著
✅耳道充血、潰瘍
✅耳垢或膿性分泌物增加
✅耳道腫脹狹窄
✅可見異物或腫塊
🚨 若出現以下症狀，可能代表中耳或內耳已受影響
呢啲係更嚴重嘅信號，需要盡快見獸醫。
⚠️歪頭（頭部傾斜）
⚠️眼球震顫（眼睛不受控抖動）
⚠️步態不穩、走路打圈
⚠️其他腦神經異常表現
📋 慢性化風險與預防關鍵
反覆發炎與感染可令耳道逐步出現纖維化、狹窄、鈣化與末期耳病變，亦可能造成傳導性或混合性聽力下降。
有研究指出，慢性外耳炎可向中耳延伸，在部分研究中可見於高達約一半病例。
Ivan 嘅話：慢性外耳炎真係好難根治，預防真係比治療容易一百倍。 預防重點唔係單純反覆清耳，而係及早找出原發因素、處理持續惡化因素，並安排覆診確認真正緩解。
👂 居家護理 3 部曲：洗耳仔正確姿勢
1. 灌入洗耳水： 輕輕拉起耳廓，建議的洗耳水灌滿耳道 。切記唔好只滴幾滴，要見到液體滿溢，平均每次清潔大約會用到 4.9 毫升洗耳水 。(Veterinary Sciences (2022). doi:10.3390/vetsci9040185.)
2. 按摩耳根： 揉搓耳根位置約 30 秒，你應該會聽到「唧唧聲」，咁樣先可以幫手軟化深層耳垢 。
3. 甩出與抹乾： 俾狗狗自行甩頭，將污垢甩出。最後用棉花或紙巾抹乾耳廓可見到的分泌物。
重要提醒：：絕對唔好用棉花棒深挖耳道，咁樣會將耳垢推得更深，甚至整穿耳膜。如果狗狗洗耳時表現極度疼痛，請立即停止並搵獸醫檢查。
💬 總結
狗狗外耳炎問題可大可小，唔一定只係耳仔污糟咁簡單！
如果狗狗出現耳朵異味、頻繁甩頭、抓耳、紅腫或者耳道分泌物增加，就要提高警覺喇； 因為單靠肉眼觀察，未必分得清真正原因。
如果真係擔心，記得及時去相熟嘅獸醫診所，比醫生檢查吓喇。
🧡
養狗嘅問題，我哋一齊研究
我每條留言同 DM 都會親自回覆。
有問題就嚟搵我啦。
References